COMO MEDRAN OS VOSOS TRABALLOS

Mirade que ben van as plantacións de Alejandra; as fabas xa están listas para ser transplantadas e o céspede medrou tanto que xa lle ten que facer unhas coletas. Nos tamén fixemos os nosos pero aínda non medraron tanto.

                       Encántanme.😍😍😍😍😍😍😍😍

RETOS DE MATEMÁTICAS

Como traballastes esta semana, xa vexo que este calor non puido con vós. Cantas cousas de matemáticas aprendemos, e sobre todo que ben o pasamos.

            Xenial. 👏👏👏👏👏👏👏👏👏👏👏👏👏

O CARACOL

https://www.youtube.com/watch?v=IiKL6qto9V0

Ola, aquí vos deixo o enlace a un vídeo no que hai un amiguiño que vos quere saudar. Apertas!

Sesión 11 Educación Física

Ola pequechiños e pequechiñas,

Xa tendes publicada a clase de E.F. desta semana.

Por se alguén non o veu, no blogue está tamén o vídeo sorpresa das clases que me fostes mandando, gústame moito vervos e cada vez que me chega un vídeo voso póñome moi moi contenta, así que espero que me mandedes moitos.

Para ir á sesión como sempre premede na imaxe:

Moitos bicos e a disfrutar do bo tempo!

MÁIS LETRILANDIA

Que tal van esas actividades de matemáticas? Estou desexando que me mandedes fotos e vídeos para o sábado publicalos.

Hoxe traiovos unhas letras máis, como sempre co conto e a súa canción, despois vos podedes practicar a súa grafía, lembrade fixarvos ben onde empeza e onde acaba o trazo; tendes que ter en conta a direccionalidade das letras. Practicamos todos en maiúscula, os de 5 anos tamén o farán en minúscula.

Con este día tan caluroso seguro que algúns vos iredes a bañar o río, na piscina, coa mangueira... tamén me podedes mandar fotos das actividades que facedes no voso día a día. O importante é que nas montaxes saiades, para que nos sintamos máis cerca.

Bicossss.

   

                                                   Lembrade premer enriba da imaxe.

ANIVERSARIO DE KARLA

Lembrades que no mes de maio tiñamos dous días especiais marcados de cores, un era o aniversario de Anxo e o outro?

Acertastessssss, hoxe é o aniversaio de Karla. 

PARABÉNS CAMPIONA

UN BICO ENORMEEEEE.

Música con potas!

Musicados e harmoniosos días!

Como levades esta semana tan calurosa?

Preparados para refrescarnos cunha pouquiña de música? Imos!


1º Experimentamos cos sons.

Hoxe imos experimentar diferentes sons con utensilios da cociña, como potas e tixolas de metal.

Fixádevos no seguinte vídeo:

2º Acompañamos a canción "Bate con la cucharilla"

Tocamos a nosa batería de potas e tixolas acompañando a canción. 

3º Audición

Despedímonos cunha audición da Marcha Turca de Mozart.

O alumnado xa coñece este tipos de vídeos, en clase algúns miraban o vídeo moi atentos, outros facían os movementos  cos brazos e as mans, como debuxando a música no aire libremente. 

Eu anímovos a escoitar acompañando a música co movemento libre do corpo!

Visita o blogue de E.F

Ola familias,
Deixovos no blogue de educación física información relevante e un vídeo motivador que fixen onte para que vexades e vos animedes a facer actividade física no medio natural.

Premede no texto para entrar: BLOGUE DE EDUCACIÓN FÍSICA


Moitos bicos

FARM ANIMALS

Hi kids,

I hope you like the animal presentation from last week. Today we are going to learn about another type of animals: FARM ANIMALS.

Changelle of the week: you can send me a video of you singing the famous song" Old McDonald had a farm" You can also try to do one of the crafts that appear at the end of the presentation.

      HAVE A FANTASTIC WEEK!😍

Ola nen@s,

Espero que vos gustase a presentación dos animais da semana pasada. Hoxe imos aprender máis cousiñas sobre outro tipo de animais: OS ANIMAIS DA GRANXA.

Reto da semana: podedes mandarme un video de vós cantando a famosa canción: "Old Mc Donald had a farm". Tamén podedes facer algunha das manualidades que veñen ó final da presentación.

 QUE TEÑADES UNHA SEMANA FANTÁSTICA!

                                        Farm animals

Old mac donald, una ficha interactiva de MissJulifirstgrade
liveworksheets.com

SEMANA MATEMÁTICA

Ola a todos e todas, xa estamos na última semana de maio, en nada rematou o curso. Un curso moi extraño este que nos tocou vivir. Moito ánimo,  xa non queda  nada.

Esta semana imos adicala as matemáticas, practicaremos algunha cousa nova e outras que xa estivemos facendo durante os primeiros días do confinamento. Como sempre, non hai que facelas todas, e hai actividades para as distintas idades. As máis pequenas precisarán máis axuda.

Un bico moi forte.

ANIVERSARIO DE ANXO

Hoxe é un día moi especial para Anxo, espero que o pases moi ben con toda a túa familia.
A profe, os teus compañeiros e compañeiras desexámosche un feliz aniversario.

                    PARABÉNS CAMPIÓN

TRABALLOS DO CONTO DA TOUPIÑA

Ola familias, aquí tendes os traballos desta semana, moitas grazas por participar, espero que o pasarades moi ben facendo as actividades.

Un bico enorme.

                                         
                                          

CASA CASIÑA

https://www.youtube.com/watch?v=Y-SsX0DoBAU

Ola, déixovos o enlace para ver un novo conto dende a aula de Audición e Linguaxe. Agardo que vos guste. Apertas.

A VACA LOLA DE CINTHIA E ALEJANDRA.

Sesión 10 Educación Física

Moi bos días familias,

Que tal estades? Espero que moi ben, o bo tempo sempre nos trae alegría.

Hoxe é xoves e polo tanto tócanos Educación física, recordade facer as clases xa que se traballan cousas moi importantes para o desenvolvemento do corpo como a coordinación, a propiocepción, o equilibrio, a velocidade de reacción, etc.

Se facedes algunha foto ou vídeo sería xenial que ma enviarades, xa que de algúns de vós non recibín nada aínda. O meu correo é luciareymiguez@gmail.com

Imos coa sesión desta semana, a ver se vos gusta, premede na imaxe:

África e Música

Bos días!

Hoxe é mércores, así que vos traio novas actividades musicais.

Imos facer unha viaxe a través da música. Collede as maletas porque marchamos a ÁFRICA!

Coma sempre, podedes enviar fotos, vídeos e comentarios a

profe.musica.sandra.tamayo@gmail.com

1º COÑECEMOS OS SONS DOS ANIMAIS

Empezamos imitando cada animal coa voz, e podedes tamén facer o xesto do animal (garras, trompa do elefante, o que lle saia a cada un de xeito natural).

2º CANTAMOS A CANCIÓN AFRICANA "KOKO LEOKO"

3º PERCUSIÓN CORPORAL

Dámoslle ritmo á canción africana con percusión corporal. 
Podedes acompañar como queirades, facendo so palmas, ou batendo nos xeonllos todo o tempo.
O importante é levar o ritmo da canción.

Para quen se atreva, aí vos deixo esta proposta de ritmo para o corpo!

4º DESPEDIDA DE CONTO

Despedímonos con este conto musicado. Disfrutádeo!

DEPARTAMENTO DE ORIENTACIÓN

Bos días familias!

Ante as dúbidas e preocupacións que me trasladades, como titora e coa colaboración do Departamento de Orientación, gustaríame compartir con vós este vídeo.

Unha aperta.

https://www.youtube.com/watch?v=cKVG6r4krHw&t=125s

ANIMALS

Morning kids,


I hope you enjoyed doing the family activity from last week. Today we are going to learn a bit more about animals. They are fun! Click here to start with the activities

Espero que vos gustasen as actividades da semana pasada. Hoxe imos aprender un pouquiño máis sobre animais en Inglés. Son moi divertidos! Fai click debaixo para empezar as actividades.

* Os xogos son máis indicados para os nenos de 5 anos.

Let´s go!

Animals

A TOUPIÑA QUE QUERÍA SABER...

Feliz comezo de semana a todxs, espero que xogarades moito durante esta fin de semana longa; vistes na entrada de onte que bonitos quedaron os vosos debuxos da tormenta? Moitísimas grazas por participar.

Hoxe vou a contar coa axuda dunha amiga vosa coa que ides a aprender moitas cousas dos animais. Espero que o pasedes moi ben facendo as actividades que vos preparei.

Lembrade que podedes mandar os vosos vídeos por whatsapp a este número de teléfono 6670352980. 

IMOS ALÓ.

LETRAS GALEGAS 2020

Feliz Día das Letras Galegas para todos e todas.

VARIOS TRABALLOS

Bos días, xa temos un teléfono móbil do cole polo que os vídeos se son moi longos podedes mandalos por whatsapp a este número  667352980.

Bicos

Sesión 9 EDUCACIÓN FÍSICA

Ola nenos e nenas,

Hoxe tendes unha actividade sorpresa colgada para vós no blogue de educación física.
Espero que vos guste moito, está feita con moita ilusión para vós.

Pd: non lle teñades medo á señoriña que aparece que é moi boíña e gústanlle moito os nen@s.

Aquí vos deixo o enlace ó blogue, premede na imaxe:

Quería comunicarvos tamén que tal e como explico no blogue a partir da semana que ven só se subirán clases de E.F os xoves quedando a clase do luns de carácter libre, polos motivos que alí se especifican.

Bo día familias!

A VACA LOLA

https://youtu.be/Xeb9OTXqVsk

Ola a todxs! Aquí vos deixo un novo enlace. Pinchade a ver quen vos visita esta semana. Apertas!

ALEJANDRA e CINTHIA-YO ESTOY AQUÍ

                                             Ola, déixovos a rima de Alejandra e de Cinthia. Unha aperta.

SEGUIMOS CON LETRILANDIA

Bos días a todos e todas, xa me contou a profe Lucía que lle mandastes moitos debuxos das "Pitas baixo a choiva", alégrome moito; lembrade que aínda que estamos na casa non estamos de vacacións e cada día temos que facer algo de traballo. Son cousas divertidas que podemos facer en calquera momento; a este tempo que estamos a pasar coas familias temos que sacarlle o máximo rendemento e gozar moito da boa compaña.

Espero que o esteades a pasar moi ben coas actividades de Ricardo Carvalho Calero e aprendendo moitas cousas sobre a súa vida e obra.

Lembrarvos que o venres é día non lectivo no Ceip Doutor Suárez, polo que estamos as portas dunha fin de semana longa; aproveitade para mandarme fotos e vídeos do voso día a día para despois publicalas no blogue.

 Hoxe imos a repasar as letras M, N e Ñ; como sempre empezamos co vídeo e a canción e despois a practicar, no aire, na terra, con distintos materiais... e por último no papel. Os maiores tendes que practicar a minúscula, ánimo, téndelo dominado.

Un bico enorme.

ESTREA VIDEOCLIP DOS MAIOS!

Moi bos días queridiños e queridiñas!

HOXE ESTREAMOS VIDEOCLIP!

Está recén saído do forno, e feito con moito cariño e moita ilusión. 

Unha vez máis: GRACIAS a todos os participantes, a ás familias por facelo posible. 

ESPERO QUE VOS GUSTE! :-)

E hoxe toca música, así que vos traio un par de propostas:

1º ACTIVIDADE

EXPERIMENTO SONORO:

FACEMOS MÚSICA CON VASOS DE AUGA

(con moito coidado)

1º Colle 3 vasos de cristal (se poden ser iguais, mellor).

2º Enchemos un vaso cun moi pouca auga (1/4 aprox.), outro pola metade, outro case cheo.

3º Cun lapis probamos a golpear SUAVEMENTE os vasos. 

Proba e experimenta

Podedes:

- Tocar por ORDE.

- Crear melodías.
- Asignar un número a cada vaso ( 1 2 3) e tocar secuencias:

111 222 333 

112 113 

332 331

33 22 33 11 

2º CANTAMOS ESTAS CANCIÓNS COS NOSOS DEDOS.

FAMILY DAY

Hi everybody!

As you know, the past few weeks we have been learning new vocabulary related to the family. Taking into consideration that the 15th of May is the international day of families, I thought it was going to be a good idea to enjoy doing one of the following activities together.

Ola a todo@s,

Como sabedes estas semenas estamos aprendendo novo vocabulario relacionado coa familia, por iso e aproveitando que o día 15 de Maio é o día da familia, paréceme una boa idea que disfrutedes dun rato en familia escollendo una serie destas propostas.

Por suposto podedes engadir a todos aqueles membros da vosa familia que queirades, xa que estos son só algúns exemplos  de actividades que teñades como inspiración.

* Por último gustaríame dicirvos que todas estas actividades son ideas para realizar cos vosos fillos na casa, entendo que  moitas veces sexa complicado realizalas todas ou que haxa familias que non teñan acceso a medios telemáticos. Eu aprecio, valoro e agradezo cada esforzo que facedes mandándome as vosas actividades. Moitas grazas!

AS PITAS BAIXO A CHOIVA

Hoxe imos a pedirvos outro "favor"; xa sabedes o moito que vos botamos de menos e a única maneira que se nos ocorre de sentirvos preto é a través dos vídeos, fotos, audios, debuxos... que nos mandades.

Esta vez a profe Lucía está a argallar algo dende o Departamento de Dinamización, a saber o que é pero seguro que o resultado vai a encartarvos.

Cóntovos, como xa sabedes estamos na semana das Letras Galegas,  aprendestes moitas cousas na entrada anterior sobre o homenaxeado, Ricardo Carvalho Calero, e agora imos a facer un debuxo dun libro del moi coñecido "As pitas baixo a choiva".

É un traballo para todo o cole, polo que a cada grupo lle toca unha páxina. A nos tocounos a páxina 14 que fala unha tormenta, co vento, os lóstregos, as nubes... a  ver que debuxos tan chulos vos saen. Primeiro escoitamos con atención mentres no lo leen e despois debuxamos. Coma sempre, podedes decoralo como queirades, veña artistas estou desexando ver as vosas obras.

A min tamén me puxo deberes ehh, pero temos que facelos antes do xoves 14  para que despois ela poida montar todo e lle dea tempo a publicalo para o 17 de maio.

Mans a obra.

SEMANA DAS LETRAS GALEGAS

Bos días, esta é a Semana da Letras Galegas, como tódolos anos desde distintas entidades educativas mandan recursos os centros para traballar nas clases;  como xa sabedes este ano o 17 de maio está adicado a Ricardo Carbalho Calero.

A profe Lucía atopou moita información que xa publicou no blogue de Dinamización, aquí vos deixo o enlace para entrar:  Poallando en galego

Alí podedes atopar un vídeo dunhas nenas que vos van a ensinar moitas cousas do escritor homenaxeado este ano, co seu PREGUNTOIRO MUSICAL.

E hai tamén unha sorpresa: un ESCAPE ROOM.

De todos los xeitos aquí tamén vos vou a poñer algunha cousa, só de infantil. Empezaremos pola súa biografía, estade moi atentos porque despois van a facervos moitas preguntas.

Como sempre lembrade que tendes que entrar por internet explorer para que estea activado o Adobe Flash Player, podedes volver a entrar no blogue por aí ou ben copiar o enlace. Imos alá.

Biografía de Carvalho Calero

Agora que xa sabedes moitas cousas deste escritor, deixovos os enlaces de varias actividades para facer en liña divididas por idades, son moi interesantes e van a gustarvos moito, xa veredes.

Actividades en liña para 4 Infantil

Actividades en liña 5 Infantil

Actividades en liña 6 Infantil


Tamén vos deixo estes enlaces por se alguén quere imprimilas, organizadas por idades; son moitas polo que podedes escoller as que vos parezan máis interesantes.

Actividades 4 educación infantil

Actividades 5 educación infantil

Actividades 6 educación infantil

Lembrade  que como tódolos luns tendes que facer un pouco de exercicio coa profe Lucía, aquí vos deixo o enlace do blogue para que fagades as actividades tan chulas que vos ten preparadas.

Bicosssss

QUE BEN O PASA ELOY COA SÚA IRMÁ

                                              

                                             

TRABALLOS DÍA DA NAI